E.E.I. PORTOSANTO

1/11/13

SAMA...HALLOW..SAMAEEN (outro ano con dúbidas co nome!!)

Quen dí que o outono é aburrido?????????? Que o Samaín ou Halloween non ven no verán...porque tampouco hai cabazas por aquela. E que sería un Samaín sen cabazas??? Pois velahí están unhas poucas na Escola de Portosanto...Imos por pasos:

PASO 1: Precisamos nenos e cabazas, alomenos unha cabaza por duas cabezas...acadado!

PASO 2: Cun rotulador, debuxar ollos, nariz e boca....ahí vaaaaaaaaaaaaan!

PASO 3: Despois de que o profe decidiu abrir a cabaza pola parte superior e cortar por onde estaba marcado...a vaciaaaaaaaaaaaaaaaaaaaaaaar!!!!!!!!!!!!!!!!!!!

AAAh, con mans e culleres....

Estes dous tomárono moi en serio: primeiro, inmovilizaron a cabaza...

...e veña, a fozar nela sen tregua...!!!!

Quedaron limpos despois de tanto batallar...pero fixeron un magnífico traballo!!!!

PASO 4: A LIMPAR AS PEBIDAS, VEÑAAAAAAAAAAAAAAAAAA....

Tamén fixemos máis que atacar hortalizas de cor naranxa...un esqueleto que había que facer primeiro...

E cantar e tocar algunha canción alusiva ao tempo, desobedecer ao profe mentras nun destes ensaios musicais algún neno decide inmortalizar este grandioso momento usando a cámara da escola...

E chega o día ( mellor dito, a véspera da véspera porque neste ano decidiron que o último día de outubro debiamos estar na casa)

Velahí o noso esqueleto, xa montado...

... e uns arquivos de video, tamén...

4/4/13

SOLICITUDE DE ADMISIÓN ALUMNADO - CURSO 2013-2014

O periodo para solicitar a admisión nos centros docentes sustentados con fondos públicos abranguerá desde o 5 ao 17 de abril.

Para facer a solicitude nesta escola, poderán dirixirse nese tempo ás dependencias do noso centro en horario semanal de 9 a 2. Ademáis, o centro permanecerá aberto os martes pola tarde en horario de 4 a 6.

CRITERIO COMPLEMENTARIO PARA A ADMISIÓN DE ALUMNOS

A EEI PORTOSANTO, ao abeiro do disposto no

DECRETO 254/2012, do 13 de decembro, polo que se regula a admisión de alumnado en centros docentes sostidos con fondos públicos que imparten as ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación e na

ORDE do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación

e seguindo o estipulado no artigo 28. Acreditación e valoración do criterio complementario aprobado polos centros dentro dos Criterios xerais de admisión do alumnado, apartado i) Por criterios complementarios consistentes noutras circunstancias relevantes apreciadas xustificadamente polo órgano competente do Centro, acorda establecer o seguinte criterio:

i) Por solicitar en primeiro lugar un centro de ensino público.

A valoración deste criterio será 1 punto.

A acreditación farase de oficio polo propio centro, sendo o documento acreditativo a propia solicitude de admisión, anexo II da Orde.

O mestre responsable.

Manuel Blanco Lois.

22/11/12

PARA VIAXAR LONXE, NON HAI MELLOR NAVE QUE UN LIBRO

Tal como dixera Emily Dickinson, que boas viaxes nos leva a lectura! No noso caso,as escolas unitarias de Poio fixemos unha curta en autobús ata a bibilioteca de Pontevedra, e alí, máis viaxes polo mundo dos libros. Gustounos moito, e de todo, documentos gráficos para o recordo: