FELIZ ANIVERSARIO, CUMPLEAÑOS E HAPPY BIRTHDAY TO IRENE...!

Desta plurilingüe maneira quixemos felicitar este venres á nosa alumna maior polo seu sexto aniversario. Aínda que o 4 de marzo era a data, tivo que pospoñerse a celebración ata este día por mor dunha gripe tola que arrasou en Portosanto. Como recordo (do aniversario, non da gripe!), unha galería de fotos:

Comezamos soprando a vela cun riquísimo flan - torta de chocolate...

Cada un de nós fixemos unha composición cun cachiño de Irene: por un lado do papel, Irene cando comezou na escola, con tres anos:

 

...E polo outro, a nosa Irene actual, cos seis anos cumpridos:

Finalmente, cada un de nos cun pedaciño de Irene nas nosas mans...e no noso corazón!

SALOOOOOOOOOOOOOOON DO LIBRO

Ola! Non nos imaxinabamos que poidese haber un saloooooooooooooon tan grande (mesmo parecía unha ducia de salas de cinema xuntas!) cheos de libros e figuras tan grandes! Cos compañeiros das unitarias do Concello de Poio (Samieira e Sartal - escolas que nos convidaron-,  así como as escolas de Albar e Vao) fixemos unha visita ao SALÓN DO LIBRO de Pontevedra, que este ano ía adicado ás supersticións.
Ben...tamén pasamos un pouco de medo...había algunha meiga solta por alí!!!

 Antes, un enlace á páxina do salón do libro: http://www.salondolibro.org/

E agora, descargamos sesión fotográfica...alí vai:

ABERTO PRAZO SOLICITUDE ADMISIÓN EEI PORTOSANTO - CURSO 2012-2013

Desde o 1 de marzo e ata o 10 de abril estará aberto o prazo para solicitar a admisión do alumnado de cara o vindeiro curso 2012-2013 en tódolos centros sostidos con fondos públicos de Galicia.

Así, os/as alumnos/as nados no ano 2009 (todos aqueles/as que cumpran os 3 anos durante o ano 2012) xa poderán incorporarse ao segundo ciclo de Educación Infantil.